IM L6 - ძლიერი და ინოვაციური სედანი

IM L6 თანამედროვე და ჭკვიანი სისტემებით აღჭურვილი სედანია. მისი ექსტერიერი დახვეწილი, მაქსიმალურად ზუსტი და გლუვი დეტალებით გამოირჩევა. მოდელის ერთ-ერთი მთავარი პრაქტიკული უპირატესობა საბარგულია. მისი კარი ლუქის მინასთან ერთად იხსნება, რაც დიდი ზომის ნივთების განსათავსებლად ძალიან მოსახერხებელია.

ავტომობილში ჩაჯდომისთანავე იგრძნობთ, რომ სალონის მოპირკეთებისა და მოწყობისას ძალიან დიდი ყურადღება დაეთმო კომფორტს. უკანა სავარძლების გრძელი საზურგე და მუხლებისთვის განკუთვნილი დიდი სივრცე გრძელ გზაზე მგზავრობისას განსაკუთრებულად კომფორტულია. სიმშვიდეს კი ხმაურგამტარი მინები და ხმაურის ჩახშობის სისტემა უზრუნველყოფს.

მოდელის ერთ-ერთი მთავარი უპირატესობაა „Agile Lizard“ ციფრული შასი, რომელიც ავტომობილის მართვასა და მანევრირებას აუმჯობესებს. ოთხივე თვლის მოხვევის ინტელექტუალური სისტემის დახმარებით მობრუნების მინიმალური რადიუსი 4.99 მეტრია, რაც ქალაქის პირობებში უკუსვლით გამოსვლასა და მობრუნებას ამარტივებს.

იმისთვის, რომ მგზავრობა მაქსიმალურად უსაფრთხო იყოს, IM L6 გარემოს აღქმისთვის სენსორების სრულ ნაკრებს იყენებს, მათ შორის მაღალი სიზუსტის LiDAR სენსორსა და 11 კამერას. ამ სენსორებიდან მიღებულ მონაცემებს მძლავრი NVIDIA Orin X პროცესორი ამუშავებს, რაც ავტომობილს საშუალებას აძლევს, გარემო რეალურ დროში აღიქვას. ამ ტექნოლოგიის ერთ-ერთი საუკეთესო მაგალითია ხედვის დამატებითი სისტემა (PVSS) — ის მძღოლს ეხმარება, დაინახოს ის, რაც ხედვის არეს მიღმაა მოქცეული. ამ მახასიათებლების ერთობლიობა მართვის სრულიად ახალ გამოცდილებას ქმნის — ყველაფერი მძღოლისა და მგზავრების კომფორტსა და უსაფრთხოებას ემსახურება.