U-Tour HEV - მოდური დიზაინის საოჯახო მანქანა

Forthing U-Tour შვიდადგილიანი მრავალფუნქციური ჰიბრიდული ავტომობილია. მომხმარებელს შეუძლია ისარგებლოს სამ რიგად განლაგებული სავარძლებით, რაც იდეალურია როგორც დიდი ოჯახისთვის, ისე საქმიანი მიზნებისთვის.

ავტომობილში მულტიმედია სისტემა 10.25 დიუმიანი ცენტრალური ეკრანით იმართება. სისტემის მართვას Bluetooth კავშირი, USB პორტები და ციფრული მაჩვენებელთა დაფა ამარტივებს. სამ რიგად განლაგებული სავარძლები სივრცის ცვლილების საშუალებას იძლევა: მეორე რიგი რეგულირდება და იკეცება, რაც საჭიროების შემთხვევაში საბარგულის მოცულობას ზრდის.

უსაფრთხოების სისტემა მოიცავს როგორც სტანდარტულ ბალიშებს, ისე მდგრადობისა და მოცურების საწინააღმდეგო სისტემებს (ESP, TCS). დამატებითი დაცვისთვის გათვალისწინებულია აქტიური დამუხრუჭების დამხმარე სისტემა (HBA). ქალაქში გადაადგილებას ამარტივებს პარკირების სენსორები, უკანა ხედვისა და 360 გრადუსიანი კამერები.

სალონში სასურველ ტემპერატურას კლიმატ-კონტროლი არეგულირებს. ყოველდღიურ მართვას ელექტრონული ხელის მუხრუჭი და ფარების ავტომატური მართვა აადვილებს. 170 მმ-იანი კლირენსი და პრაქტიკული დიზაინი U-Tour-ს ოჯახისა თუ ბიზნესისთვის გამოსადეგ ავტომობილად აქცევს.