Jetour X70 Plus - მაქსიმალური კომფორტი

Jetour X70 Plus თანამედროვე, დახვეწილი ავტომობილია. მისი ექსტერიერი გამოირჩევა მეტეორის ეფექტის LED განათებითა და ორმხრივი გამონაბოლქვის სისტემით. ეს დეტალები მას სპორტულ იერსახეს სძენს. ამასთან, მანქანას 62 დუიმიანი პანორამული სახურავი აქვს, რაც მის დიზაინს განსაკუთრებულს ხდის და სალონში ბუნებრივი განათების უწყვეტ ნაკადსაც განაპირობებს.

ავტომობილში სავარძლების რაოდენობა ადაპტირებადია. კონფიგურაცია შეგიძლიათ საჭიროებისამებრ შეცვალოთ და 5 ან 7 ადგილიანი სალონი მიიღოთ. Jetour X70 Plus-ის სალონი ფართოა და მგზავრებს კომფორტული გადაადგილებისათვის საკმარის სივრცეს სთავაზობს.უსაფრთხოების თანამედროვე სისტემები ავტომობილის ერთ-ერთი მთავარი უპირატესობაა. Lane Departure Warning System მძღოლს ზოლიდან უნებლიე გადასვლისას აფრთხილებს.

Blind Spot Monitoring System იმ ავტომობილსა და დაბრკოლებებს აღმოაჩენს, რომლებიც მძღოლის მხედველობის არეალს მიღმაა. Advanced Emergency Braking System კი საფრთხის დროს ავტომატურად ამოქმედდება. ეს სისტემები მნიშვნელოვნად ამცირებს ავარიის რისკს და ზრდის თქვენს უსაფრთხოებას.

საგზაო მახასიათებლების გასაუმჯობესებლად Jetour X70 Plus აღჭურვილია დამოუკიდებელი, ოთხთვალა დაკიდების სისტემითა და ალუმინის წინა საკონტროლო ბერკეტებით. ეს კონსტრუქცია წონას ოპტიმალურად ანაწილებს და უსწორმასწორო, დაბრკოლებებით სავსე გზაზე შეუფერხებლად მოძრაობს. ამას ეხმარება 20 დიუმიანი დისკებიც, რომლებიც გზას კარგად ეჭიდება და მანქანას სტაბილურობას უნარჩუნებს.

Jetour X70 Plus ვიზუალურად დახვეწილი, მრავალფუნქციური კროსოვერია, რომელიც უსაფრთხოებისა და კომფორტისათვის თანამედროვე ტექნოლოგიებითაა აღჭურვილი.